შინაგან საქმეთა მინისტრი ბავშვებს ბავშვთა დაცვის საერთაშორისო დღეს ულოცავს. სოციალურ ქსელში გამოქვეყნებულ მილოცვაში ვახტანგ გომელაური ყველა ბავშვს მშვიდობას, ლაღ, უდარდელ წლებსა და უსაფრთხო ცხოვრებას უსურვებს.
„განსაკუთრებით კი, მინდა ეს დღე პოლიციელთა შვილებს მივულოცო – ბავშვებო, თქვენ საამაყო მშობლების შვილები ხართ! მე ძალიან კარგად ვიცი, რომ თქვენი მშობლები, დედები და მამები ხშირად ვერ ახერხებენ თქვენთან დიდხანს ყოფნას, რადგან ამ დროს ისინი თქვენი და სხვა ბავშვების უსაფრთხოებაზე ზრუნავენ და ემსახურებიან სამშობლოს. ყველა ბავშვს ვუსურვებ მშვიდობას, ლაღ, უდარდელ წლებსა და უსაფრთხო ცხოვრებას“, – წერს გომელაური.
