სიეტლის მერი, ჯენი დერკანი აშშ-ს პრეზიდენტს, დონალდ ტრამპს ბუნკერში დაბრუნებას ურჩევს. ამის შესახებ დერკანმა სოციალურ ქსელ Twitter-ზე დაწერა.

„უზრუნველყე ჩვენი უსაფრთხოება და დაბრუნდი ბუნკერში“, – დაწერა სიეტლის მერმა Twitter-ზე.

Make us all safe. Go back to your bunker. #BlackLivesMatter https://t.co/H3TXduhlY4

— Mayor Jenny Durkan (@MayorJenny) June 11, 2020

ცნობისთვის,  თეთრ სახლთან მიმდინარე საპროტესტო აქციის დროს საიდუმლო სამსახურმა პრეზიდენტი ბუნკერში უსაფრთხოების უზრუნველყოფის მიზნით გადაიყვანა.

CNN-ს ინფორმაციით ტრამპთან ერთად ბუნკერში მელანია და მათი შვილიც გადაიყვანეს.

შეგახსენებთ, რომ საპროტესტო ტალღა აშშ-ში მას შემდეგ აგორდა, რაც პოლიციის ქმედებამ 46 წლის ჯორჯ ფლოიდის სიცოცხლე შეიწირა.

აქციები ძალადობისა და რასობრივი დისკრიმინაციის წინააღმდეგ მიმდინარეობდა.

რამდენიმედღიანი საპროტესტო გამოსვლების შემდეგ, ვაშინგტონის საოლქო საბჭომ პოლიციის რეფორმის გეგმა დაამტკიცა.

ფლოიდი მშობლიურ ქალაქ ჰიუსტონში 9 ივნისს დაკრძალეს.

ჰიუსტონის მერმა 9 ივნისი ფლოიდის დღედ გამოაცხადა.