იაშვილის სახელობის ბავშვთა ცენტრალური საავადმყოფოს სამედიცინო დირექტორის ივანე ჩხაიძის განცხადებით, „სინოფარმის” ვაქცინას საქართველოში შემოტანილ სხვა ვაქცინებთან შედარებით გაცილებით ნაკლები სიმძიმის გვერდითი მოვლენები აქვს.
„საქართველოში გამოყენებულ ორ ვაქცინასთან შედარებით „სინოფარმის” ვაქცინას გაცილებით ნაკლები სიმძიმის გვერდითი მოვლენები აქვს.
ამ ვაქცინასთან დაკავშირებით ჩვენ ვგეგმავთ, რომ საინფორმაციო კამპანია აქტიურად დაიწყოს, საინფორმაციო კამპანია იქნება მიმართული ორი ძირითადი კომპონენტისკენ, ეს არის – ეფექტურობა და უსაფრთხოება. თვითონ ის ფაქტი, რომ ამ ვაქცინის შესახებ ინფორმაცია მოსახლეობას ნაკლებად აქვს – ეს შესაძლებელია, მაგრამ ძალიან ბევრი ჩემი კოლეგა, ძალიან ბევრი ჩვენი თანამემამულე უკვე ელოდება ამ ვაქცინას”, – აღნიშნა ივანე ჩხაიძემ.
