პოლიტიკური პარტიებისა და ბლოკების საარჩევნო სიები უკვე ცნობილია. ტენდენცია შენარჩუნებულია – პოლიტიკური პარტიები ფსონს ცნობად სახეებზე, მუსიკოსებზე , მსახიობებზე და სპორტსმენებზე დებენ.
სპორტსმენები
„ქართული ოცნების“ პარტიულ სიაში კალათბურთელი ვიქტორ სანიკიძე მეცამეტე ნომერია. მეთექვსმეტე ადგილს იკავებს მორაგბე დავით კაჭარავა.
ნაძალადევში, „ქართული ოცნების“ მაჟორიტარობის კანდიდატია ყოფილი ფეხბურთელი მიხეილ ყაველაშვილი. გლდანში კი, ასევე ყოფილი ფეხბურთელი ლევან კობიაშვილი.
„ენმ – ძალა ერთობაშიას“ მაჟორიტარობის კანდიდატი ოზურგეთი-ლანჩხუთი-ჩოხატაურში – მოჭიდავე მანუჩარ კვირკველიაა.
ცნობილი სახეები
„ქართული ოცნების“ პარტიული სის 32-ე ნომერი პიანისტი ელისო ბოლქვაძეა, ხოლო 44-ე ადგილს იკავებს ნოდარ დუმბაძის შვილი ქეთი დუმბაძე.
„ენმ – ძალა ერთობაშიას“ პარტიული სიის პირველი ნომერი სახალხო არტისტი ბუბა კიკაბიძეა.
ჟურნალისტები
ორივე პარტიამ დადო ფსონი მედიის წარმომადგენლებზეც. „ქართული ოცნების“ საარჩევნო სიაში რიგით, 72-ე ნომერი პარტიის პრესსამსახურის თანამშრომელი გენრიეტა წიწავაა.
„ენმ – ძალა ერთობაშიას“ მაჟორიტარობის კანდიდატი ვანი-სამტრედია-ხონი-წყალტუბოში კი ტელეწამყვანი ნანუკა ჟორჟოლიანია. ასევე, პარტიულ სიაში მოხვდნენ: პრესსამსახურის უფროსი გიორგი პატარაია და ჟურნალისტი გიორგი კაპანაძე.
გენერლები
ორივე მთავარ პოლიტიკურ ძალას ჰყავს სიაში გენერლები. „ქართული ოცნების“ სიის 49-ე ნომერი, თავდაცვის ძალების მეთაური ვლადიმერ ჩაჩიბაიაა.
„ენმ – ძალა ერთობაშიას“ სიის მე-6 ნომერი, გენერალი დევი ჭანკოტაძეა.
„ნაციონალური მოძრაობა“ – „ძალა ერთობაშიას“-ს პარტიული სრული სია
