საყოველთაო ვაქცინაცია მესამე და მეოთხე კვარტალში იქნება შესაძლებელი,- ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
„რეალისტური მოლოდინი ასეთია, რომ საყოველთაო ვაქცინაცია მესამე და მეოთხე კვარტალში იქნება შესაძლებელი და ის მოქალაქეები, რომლებსაც დღეს ჯერჯერობით ვაქცინაციაში ჩართვა არ შეუძლიათ, აქტიურად შეძლებენ ამას.
თუმცა, უკვე მალევე გვექნება კონკრეტული პასუხები Pfizer-ის დამატებით დოზებთან დაკავშირებით. Novavax-იც არის ჩვენთვის ერთ-ერთი პერსპექტიული ვაქცინა. კარგია, რომ მოქალაქეები აქტიურობენ ვაქცინაციის პორტალზე და აფიქსირებენ საკუთარ პოზიციას, თუ რომელი ვაქცინა სურთ“, – განაცხადა გაბუნიამ.
