თავისუფალი საწოლების რაოდენობა იზრდება, ქვეყანაში 1664 თავისუფალი საწოლია, – ამის შესახებ საკოორდინაციო საბჭოს სხდომის შემდეგ გამართულ ბრიფინგზე ჯანდაცვის მინისტრის მოადგილემ, თამარ გაბუნიამ განაცხადა.
„დილის მონაცემებით, კლინიკებში იყო 5672 პაციენტი, მათ შორის რეანიმაციაშია 350, ინტენსიური თერაპია კი სჭირდება 1257 პაციენტს. თავისუფალი საწოლების რაოდენობა იზრდება. მაგალითად, აჭარაში 400-ზე მეტი თავისუფალი საწოლია, გუშინ კი 100-ზე ნაკლები ახალი შემთხვევა გვქონდა. მთლიანობაში ქვეყნის მასშტაბით 1664 თავისუფალი საწოლია, რაც კარგი მაჩვენებელია“, – განაცხადა გაბუნიამ.
