ჯანდაცვის მინისტრის ეკატერინე ტიკარაძის განცხადებით, 8 ოქტომბერს, თბილისში დაგეგმილ საქართველო-ბელარუსის საფეხბურთო ნაკრებების მატჩზე თავშეყრა, რეკომენდირებული არაა.
„დღეს ჩვენ ვისაუბრეთ რისკებთან დაკავშირებით, თუ რამდენად დიდი რისკი იმ შემთხვევაში, თუ საფეხბურთო მატჩი ჩატარდება, რამდენად დიდი იქნება გავრცელება. 8 რიცხვამდე საბჭო დამატებით შეიკრიბება და საბოლოო შედეგსა და გადაწყვეტილებაზე შევჯერდებით“, – განაცხადა ტიკარაძემ.
მატჩზე დასწრების რეკომენდაციას ასევე არ გასცემს ამირან გამყრელიძე. როგორც იგი ამბობს, დაავადებათა კონტროლის ცენტრი ამ ეტაპზე მსგავს რეკომენდაციას ვერ გასცემს.
„უეფა-მ სტადიონის საერთო მაყურებლის 30 პროცენტის დასწრების ნება დაგვრთო, თუმცა საბოლოო გადაწყვეტილების მიღება ქვეყნებს დაუტოვა. საქართველოში ეპიდემიის გავრცელების ეტაპზე ჩვენ, დაავადებათა კონტროლის ეროვნული ცენტრი რეკომენდაციას ვერ მივცემთ იმის შესახებ, რომ მატჩი მაყურებლის დასწრებით ჩატარდეს“,- არღნიშნავს გამყრელიძე.
რამდენ ხანს მოგვიწევს კორონავირუსთან ერთად ცხოვრება – გამყრელიძე დროს ასახელებს
