თბილისის ვიცე-მერი ირაკლი ხმალაძე განმარტავს, რატომ არ იხსნება მეტროსადგური „გოცირიძე“.
როგორც ირაკლი ხმალაძე ამბობს, სადგურის სრულმასშტაბიანი სარემონტო-სარეკონსტრუქციო სამუშაოები პანდემიის გამო მეტროს გაჩერებისას ვერ დაიწყებოდა, რადგან მიმდინარეობდა საპროექტო სამუშაოები.
„მანამდე საპროექტო სამუშაოები მიმდინარეობდა და ვერ დაემთხვეოდა. ეს ხომ დაგეგმილი არ იყო. პანდემიიდან გამომდინარე, მყისიერად მოუწია მთავრობას მეტროს გაჩერების გადაწყვეტილების მიღება“,- ცხადებს ირაკლი ხმალაძე.
ცნობისთვის, მეტროსადგური „გოცირიძე“ მგზავრებს დროებით ვერ მოემსახურება. მთელი ქვეყნის მასშტაბით 8 თებერვლიდან მუნიციპალური ტრანსპორტი მუშაობას განაახლებს.
