საგანგებო სიტუაციების სამსახური თბილისში მომხდარ უბედურ შემთხვევასთან დაკავშირებით განცხადებას ავრცელებს.
როგროც განცხადებაშია ნათქვამი, მტკვრიდან ამოყვანილ ბავშვს მალევე ჩაუტარდა გულ-ფილტვის რეანიმაცია, თუმცა მისი გადარჩენა ვერ მოხერხდა.
„საზოგადოებრივი უსაფრთხოების მართვის ცენტრ “112”-ში შემოვიდა ინფორმაცია, რომ ქვემო ფონიჭალაში, მდინარე მტკვარში არასრულწლოვნები იმყოფებოდნენ და დაუყონებლივ სჭირდებოდათ მაშველების დახმარება.
შეტყობინების მიღებიდან უმოკლეს დროში, ადგილზე გამოცხადდნენ საგანგებო სიტუაციების მართვის სამსახურის თანამშრომლები. მაშველების მისვლისას, 1 მოზარდი გამოყვანილი იყო ნაპირზე, ერთი მცირეწლოვანი კი, მდინარის ჩქარი დინების გამო, გაუჩინარდა წყალში და ვერ ხერხდებოდა მისი ადგილსამყოფელის დადგენა.
მაშველებმა მყისიერად დაიწყეს სამაშველო-საძიებო ოპერაცია როგორც წყალში, ასევე, მდინარის სანაპირო ზოლზე. სამაშველო ოპერაციის შედეგად, მაშველებმა წყლიდან ამოიყვანეს უგონო მდგომარეობაში მყოფი არასრულწლოვანი, რომელსაც სასწრაფო სამედიცინო დახმარების ექიმებმა და მაშველებმა ადგილზე ჩაუტარეს გულ-ფილტვის რეანიმაცია, თუმცა, სამედიცინო დახმარების მიუხედავად, ვერ მოხერხდა მოზარდის გადარჩენა და დაფიქსირდა გარდაცვალების ფაქტი“,- ნათქვამია გჰავრცელებულ განცხადებაში.
ცნობისთვის, შემთხვევა დღეს მოხდა. მტვარში 10 წლამდე ბავშვი დაიხრჩო. მტკვრიდან მასთან ერთად გამოყვანილი მეორე ბავშვი კი საავადმყოფოშია მოთავსებული.
