საქართველოს კალათბურთის ეროვნული ფედერაცია თორნიკე შენგელიას მოსკოვის ცსკა-ში გადასვლას ეხმაურება.
როგორც გავრცელებულ განცხადებაშია ნათქვამი, თორნიკე ყოველთვის იცავდა და დაიცავს თავის სამშობლოსა და ეროვნული ნაკრების ღირსებას.
„საქართველოს კალათბურთის ეროვნული ფედერაცია დარწმუნებულია, რომ როგორც აქამდე, მიუხედავად იმისა, თუ რომელი კლუბის რიგებში ირიცხებოდა, თორნიკე ყოველთვის იცავდა და დაიცავს თავის სამშობლოსა და ეროვნული ნაკრების ღირსებასა და ინტერესებს. საქართველოს ეროვნული ნაკრების კაპიტანი კიდევ არაერთხელ გაგვახარებს თავისი წარმატებული სპორტული კარიერით და მისი ლიდერობით საქართველოს ეროვნული ნაკრები აუცილებლად მიაღწევს მნიშვნელოვან გამარჯვებებს! წარმატებები თოკო!“,- ნათქვამია განცხადებაში.
ცნობისთვის, კალათბურთელმა თორნიკე შენგელიამ მოსკოვის ცსკა-სთან 3-წლიანი კონტრაქტი გააფორმა.
თორნიკე შენგელიას ამ გადაწყვეტილებას გამოეხმაურა პრეზიდენტი სალომე ზურაბიშვილიც და თქვა, რომ მსგავსი საქციელი მისთვის მიუღებელია.
საქართველოს კალათბურთის ეროვნული ფედერაცია ეხმაურება თორნიკე შენგელიას მოსკოვის ცსკა-ში გადასვლას და დარწმუნებულია, რომ…
Posted by საქართველოს კალათბურთის ფედერაცია • Georgian Basketball Federation on ხუთშაბათი, 09 ივლისი, 2020
