წადი შენი გზით… გამოაცხადე შენი გადაწყვეტილება და შეგვეშვი, – ასე მიმართა “სტრატეგია აღმაშენებლის” წევრმა, სერგო ჩიხლაძემ ალეკო ელისაშვილს.
ჩილხაძის განცხადებით, ალეკო ელისაშვილი გაერთიანებული ოპოზიციის არცერთ პრინციპს არ იზიარებს და ამდენად მისი ადგილი ამ ერთობაში არაა.
“ოპოზიციურ ერთობას რასაც ვეძახით, აქ ხომ კონკრეტული საკითების გარშემო ვართ გაერთიანებული, კონკრეტული პრინციპების გარშემო, ვადამდელი არჩევნები, მანდატების თემა, ბოიკოტის თემა და ა.შ. ეს გვაერთიანებს ოპოზიციურ პარტიებს. შენ თუ არცერთ ამ პრინციპს არ ეთანხმები და არცერთი სწორად არ მიგაჩნია, მანდატები არ ჩახსენი, ბოიკოტი არ მიგაჩნია სწორად, ვადამდელი არჩევნები შენთვის თემა არ არის, აბა რა გინდა ამ ერთობაში, პოლიტპატიმრების საქმესაც პირიქით ამძიმებენ… “, – განაცხადა სერგო ჩიხლაძემ.
