შინაგან საქმეთა სამინისტროს ცნობით, წალენჯიხაში, ფოცხოეწერის დასახლებაში, სასტუმროს შენoბაში მომხდარი აფეთქების ფაქტზე, გამოძიება სისხლის სამართლის კოდექსის 188-ე მუხლის მე-2 ნაწილით დაიწყო, რაც სხვისი ნივთის გაუფრთხილებლობით განადგურებას გულისხმობს, რამაც მნიშვნელოვანი ზიანი, ან მძიმე შედეგი გამოიწვია.
წალენჯიხაში ფოცხოეწერის დასახლებაში ყოფილი სასტუმროს შენობაში გაზის ბალონი აფეთქდა, რის შედეგადაც შენობის ნაწილი დაიწვა და ჩამოინგრა.
მომხდარის შედეგად არავინ დაშავებულა. აფეთქება,იმ დროს მოხდა როცა ენგურჰესის სარეაბილიტაციო სამუშაოებზე დასაქმებული მუშების ნაწილი საუზმეს ასრულებდა. გაზის ბალონის აფეთქება სამზარეულოში მოხდა.
ავტორი: თეა შონია
