ხელისუფლებისა და ოპოზიციის შეხვედრა რადგანაც გრძელდება, რაღაც ორივე მხარემ უნდა დათმოს. ეს არის პრინციპი, რომ ხელის გადაწევა მოლაპარაკება არ არის, –  ამის შესახებ „მოქალაქეების“ ლიდერმა ალეკო ელისაშვილმა „ტვ პირველის“ ეთერში განაცხადა.

„სხვაგვარად, იქნება ხელის გადაწევა და შეჯიბრი მკლავჭიდში, ძიუდოში. მოლაპარაკებას ცოტა სხვა ფილოსოფია აქვს, რომ ერთმა მხარემაც უნდა დათმოს და მეორემაც.

უხერხულია, 5 თვეა მედიაში საუბარია: „შეხვალ – არ შევალ“, „ვერ დამიჭერ – დაგიჭერ“; „დავსხდეთ მოლაპარაკების მაგიდასთან“; მესამე რაუნდი, მეოთხე რაუნდი და ასე შემდეგ. რა გავაკეთოთ?! ჩვენი პარტია პროცესებს სხვაგვარად უყურებს. „ქართული ოცნების“ ნაცვლად ჩვენ ვერ ვილაპარაკებთ. ესაა, რომ მედიის ყურადღების მიღმა რჩება ის პრობლემები, რაც მოსახლეობას ყველაზე მეტად აწუხებს. დღეიდან ოფიციალურად დავიწყეთ ბრძოლა, რომ „ლიბერთი ბანკი“ არ ძარცვავდეს პენსიონერებს. “, – განაცხადა ელისაშვილმა.