უკრაინა ბელარუსთან ავიამიმოსვლას 26 მაისიდან შეწყვეტს. ამის შესახებ ქვეყნის პრემიერ-მინისტრმა, დენის შმიგალმა განაცხადა. ინფორმაციას unian-ი ავრცელებს.
როგორც უკრაინის მთავრობის მეთაურმა განაცხადა, ფრენების შეწყვეტის გადაწყვეტილება ბელარუსის ხელისუფლების მიერ ავიაკომპანია „რაინეარის“ თვითმფრინავის იძულების წესით დასმის გამო მიიღეს.
ასევე, ევროსაბჭომ მიიღო დოკუმენტი, რომლის მიხედვითაც ბელარუსულ ავიაკომპანიებს ევროკავშირის საჰაერო სივრცეში ფრენა ეკრძალებათ. ასევე, დოკუმენტში ეკონომიკური და სხვა სანქციების გატარებაზეც არის საუბარი.
