„უკრაინა უსასრულოდ ვერ იდგება ნატო-სა და ევროკავშირის მოსაცდელში“,- ამის შესახებ უკრაინის პრეზიდენტმა, ვლადიმირ ზელენსკიმ ერთ-ერთი ინტერვიუს დროს განაცხადა.
მისი თქმით, თუ საფრანგეთის პრეზიდენტი ემანუელ მაკრონი და ევროპელი ლიდერები უკრაინას ევროპული ოჯახის წევრად თვლიან, მაშინ ისინი შესაბამისად უნდა მოიქცნენ.
„უკრაინა უსასრულოდ ვერ იდგება ნატო-სა და ევროკავშირის მოსაცდელში, ევროპელი პარტნიორები მოლაპარაკებებიდან ამ საკითხის გადაწყვეტაზე უნდა გადავიდნენ. დადგა ურთიერთობის ახალ დონეზე გადასვლისა და ევროკავშირსა და ნატო-ში უკრაინის მიწვევის დრო“, – განაცხადა ზელენსკიმ.
ზელენსკიმ ემანუელ მაკრონის შესახებაც ისაუბრა და თქვა, რომ სამწუხაროა, როცა მაკრონს ვლადიმერ პუტინთან „უფრო კარგი ურთიერთობა აქვს“ ვიდრე მასთან.
შეგახსნებთ, რომ უკრაინის აღმოსავლეთ ნაწილში ვითარება კვლავ დაძაბულია.უკრაინული მხარის ინფორმაციით, რუსეთის ძალებმა დონბასში ცეცხლის შეწყვეტის რეჟიმი გასულ დღე-ღამეში 8-ჯერ დაარღვიეს.
