შინაგან საქმეთა მინისტრმა – ვახტანგ გომელაურმა საქართველოში ამერიკის შეერთებული შტატების ელჩთან – კელი დეგნანთან შეხვედრა გამართა. ინფრომაციას შსს ავრცელებს.
წყაროს ცნობით, შეხვედრაზე მხარეებმა ის მიმდინარე პროექტები განიხილეს, რომლებიც სამინისტროში აშშ-ის მხარდაჭერით ხორციელდება. მათ, ასევე ნარკოტიკების უკანონო ბრუნვის წინააღმდეგ, კიბერდანაშაულსა და ორგანიზებულ დანაშაულთან ბრძოლის მიზნით განხორციელებული ერთობლივი ღონისძიებების მნიშვნელობაზე ისაუბრეს და ყურადღება გაამახვილეს საქართველო-ამერიკას შორის არსებული სტრატეგიული პარტნიორობაზეც.
შსს-ს მინისტრმა აშშ-ის მთავრობას სამინისტროს შესაძლებლობების განვითარებაში შეტანილი წვლილისა და გაწეული დახმარებისთვის მადლობა გადაუხადა.
“ვახტანგ გომელაურმა და კელი დეგნანმა ხაზგასმით აღნიშნეს ორ ქვეყანას შორის არსებული წარმატებული თანამშრომლობის გაღრმავების მნიშვნელობა და სამომავლო ურთიერთობის პრიორიტეტული მიმართულებები დასახეს” – წერია განცხადებაში.
