ევროპარლამენტარი მარინა კალიურანდი პატიმრობაში მყოფი საქართველოს ექსპრეზიდენტის, მიხეილ სააკაშვილის თემას ეხმიანება.
“საქართველო დემოკრატიული ქვეყნაა და ჩვენ ველით, რომ ყველაფერი რაც მიხეილ სააკაშვილთან არის დაკავშირებული, წარიმათება კანონის უზენაესობის ფარგლებში. დიახ, ჩვენ ყურადღებით დავაკვირდებით პროცესს, მაგრამ ვიმეორებ, რომ საქართველო დემოკრატიული ქვეყანაა და ველით, რომ ყველაფერი შესაბამისად წარიმართება”,- ამბობს კალიურანდი.
ცნობისთვის, საქართველოს მესამე პრეზიდენტი, მიხეილ სააკაშვილი 1-ელ ოქტომბერს დააკავეს. მან შიმშილობა მალევე დაიწყო. რამდენიმე დღის წინ მიხეილ სააკაშვილის პირადმა ექიმმა განაცხადა, რომ ექსპრეზიდენტის ჯანმრთელობის მდგომარეობა მძიმდება, რასაც ხელს უწყობს დაავადება, რომელიც მას აწუხებს. ინფორმაციას იმის შესახებ, რომ სააკაშვილის მდგომაროება მძიმეა, არ ადასტურებენ პენიტენციურ დაწესებულებაში და ამბობენ, რომ მისი მდგომარეობა დამაკმაყოფილებელია.
14 ოქტომბერს „ნაციონალურმა მოძრაობამ“ თავისუფლების მოედანზე მიხეილ სააკაშვილის მხარდასაჭერად აქციაც გამართა. ამასთან, დღეს ევროპარლამენტარებმა წერილი გამოაქვეყნეს, სადაც მიხეილ სააკაშვილის გათავისუფლებაზეა საუბარი.
„მიხეილ სააკაშვილის პატიმრობა უნდა შეწყდეს მანამ, სანამ მას არ ექნება საშუალება, წარსდგეს სამართლიანი სასამართლოს წინაშე,” – ნათქვამია წერილში.
