საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჟოზეფ ბორელი აშშ-ში გამართულ არჩევნებს სოციალურ ქსელ Twitter-ზე გამოეხმაურა.

„ამერიკელმა ხალხმა სათქმელი თქვა. ვიდრე ჩვენ ველოდებით არჩევნების შედეგებს, შეგვიძლია, ვთქვათ, რომ ევროკავშირი კვლავაც მზადაა, გააგრძელოს მტკიცე ტრანსატლანტიკური პარტნიორობის მშენებლობა, რომელიც დაეფუძნება ჩვენს საერთო ღირებულებებს და ისტორიას“, – წერს ჟოზეფ ბორელი.

შეგახსენებთ, აშშ-ში ხმის დათვლის პროცესი მიმდინარეობს.  მონაცემები პერიოდულად ახლდება. პრეზიდენტის გარდა, ამერიკელი ამომრჩევლები 35 სენატორსა და 435 კონგრესმენს ირჩევენ. ადგილობრივი კანონმდებლობით, არჩევნებში გადამწყვეტი ამომრჩეველთა კოლეგიის ხმებია.

ტრამპი VS ბაიდენი: აშშ-ს საპრეზიდენტო არჩევნების განახლებადი მონაცემები LIVE-ში შეგიძლიათ ნახოთ აქ.

The American people have spoken. While we wait for the election result, the EU remains ready to continue building a strong transatlantic partnership, based on our shared values and history.

— Josep Borrell Fontelles (@JosepBorrellF) November 4, 2020