ზუგდიდი-თბილისის მთავარ მაგისტრალზე, სოფელ ჭითაწყარის სიახლოვეს ერთმანეთს ორი ავტომანქანა შეეჯახა.

დაშავდა ორი მოქალაქე, რომლებიც ზუგდიდის რეფერალურ საავადმყოფოში გადაიყვანეს. ერთ-ერთი ავტომანქანის მძღოლი საავადმყოფოში გარდაიცვალა.

მეორე დაშავებული კი ჰოსპიტალში რჩება.

შსს-ს განცხადებით, გამოძიება დაიწყო სისხლის სამართლის კოდექსის 276-ე მუხლის მეორე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

ავტორი: თეა შონია