ზუგდიდში სასტიკად ნაწამები ქალის ჯანმრთელობის მდგომარეობა მძიმეა. ექიმის განცხადებით, ქალს სამი ნეკნი აქვს მოტეხილი, ფილტვები დაჟეჟილი და აღენიშნება მკერდის ძვლის მოტეხილობა.
„ავადმყოფის მდგომარეობა ჯერჯერობით არის მძიმე. იმყოფება გადაუდებელი მედიცინის განყოფილებაში“, – აცხადებს ექიმი.
აქტივისტს ლგბტქ+ სამკლაურის გამო აქციაზე დაუპირისპირდნენ
ცნობისთვის, ზუგდიდის მუნიციპალიტეტის სოფელ ახალკახათში პენსიონერი ქალი დააყაჩაღეს, ის სახლში მარტო ცხოვრობდა. ადგილობრივების თქმით, ქალი თითქმის 20 საათის განმავლობაში დაბმული იყო.
სახლიდან წაღებულია 80 ლარი. ფაქტზე გამოძიება ორი მუხლითაა დაწყებული 179-ე (ყაჩაღობა) და 143-ე (თავისუფლების უკანონო აღკვეთა).
„ღამე გარეთ გასულა და იყვირა, მეზობლებმა გახსნეს დაბმული. მთელი ღამე ყოფილა დაბმული.ძლივს ლაპარაკობდაო, სისხლი მოდიოდა სახიდან, ნაცემი იყო ალბათ“, – აცხადებს მეზობელი.
