ზუგდიდის რაიონულმა სასამართლომ მამის მკვლელობაში ბრალდებულს აღკვეთის ღონისძიების სახით პატიმრობა შეუფარდა.
გამოძიება 35 წლის კ.წ.-ს სისხლის სამართლის კოდექსის 11-109 მუხლის მეორე ნაწილის „ვ“ ქვეპუნქტით ჩადენილ დანაშაულს ედავება, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს.
ბრალდებულმა კ.წ.-მ მამა ცივი იარაღით ურთიერთშელაპარაკების ნიადაგზე 8 იანვარს, საკუთარ სახლში მოკლა, შემდეგ კი თვითდაზიანებები მიიყენა. ის ამ დრომდე ქუთაისის რეგიონალური მედიცინის ცენტრში, ბადრაგის მეთვალყურეობის ქვეშ რჩება.
დანაშაული 13-დან 17 წლამდე თავისუფლების აღკვეთას ითვალისწინებს.
