ჩემი აზრით, მომავალ წელს მთავარი ყურადღების საგანი იქნება დავეხმაროთ საქართველოს ამ პანდემიის შედეგებთან გამკლავებაში. ჩვენ ამის გასაკეთებლად ვართ განწყობილი USAID-სა და სხვა სააგენტოების შესანიშნავი პროგრამებით, – ამის შესახებ აშშ-ს ელჩმა კელი დეგნანმა ფორმულას ეთერში, გადაცემა „გიორგი თარგამაძის ფორმულაში” ინტერვიუსას განაცხადა.
„რა თქმა უნდა, განვაგრძობთ ღრმა თანამშრომლობას ამირან გამყრელიძესთან, და ლუგარის ლაბორატორიასთან არსებულ დაავადებათ კონტროლის ცენტრთან კოვიდთან საბრძოლველად და C ჰეპატიტის ელიმინაციის პროგრამის დასასრულებლად. ეს არის მსოფლიო მასშტაბის წარმატება. 2 მილიონ ადამიანს ჩაუტარდა ტესტირება და 91 პროცენტი განიკურნა. საქართველო ამით უნდა ამაყობდეს. ჩვენ ყოველთვის ვეძებთ გზებს საქართველოსთან პარტნიორობის გასაღმავებლად, რადგან გვჯერა საქართველოს როგორც წარმატებული, უსაფრთხო და დემოკრატიული ქვეყნის მომავლის, რომელიც მყარად მოიკიდებს ფეხს ევროატლანტიკური ქვეყნების ოჯახში,“ – განაცხადა დეგნანმა.
