ფოთში ძლიერი წვიმის შედეგად ორი ცენტრალური ქუჩა ისევ დაიტბორა. ფოთის მერიაში აცხადებენ, რომ აკაკი წერეთლისა და ათონელის ქუჩაზე, წვიმის შედეგად მოსახლეობის ეზოებში წყალი შევიდა.
ანალოგიური ფაქტი ფოთში 10 ივლისსაც მოხდა. სინოპტიკოსების ცნობით, სამეგრელო-ზემო სვანეთში 13-14 ივლისს მოსალოდნელია წვიმა, ზოგან ძლიერი.
მათივე ცნობით, ნალექის ინტენსივობა განსაკუთრებით მოიმატებს საღამოს და დილამდე შენარჩუნდება. ჰაერის ტემპერატურა კი 25-27 გრადუსი იქნება.
ავტორი: თეა შონია
