დედაქალაქის მერი, კახა კალაძე „ნაციონალური მოძრაობის“ შესახებ საუბრობს და ამბობს, რომ მათი გეგმები და პოზიციები ზოგადად გაუგებარია, ამიტომ მათზე დროის დახარჯვას არ აპირებს.
„იმდენი საქმე გვაქვს, რომ ნამდვილად არ მაქვს იმის დრო, „ნაციონალური მოძრაობის” სამომავლო გეგმებზე, მიზნებზე და თუ რას გააკეთებენ, ამაზე დავხარჯო დრო. გაუგებარია მათი პოზიციები. ერთ დღეს ასეა, მეორე დღეს ისეა, თუმცა ეს მათი გადასაწყვეტია რას და როგორ იზამენ. ჩვენ ვაკეთოთ ჩვენი საქმე.
ეს არის დესტრუქციული ძალა. შეუძლებელია რაიმე შეფასებები გააკეთო ამ ძალასთან მიმართებაში, იმიტომ, რომ მათი ძირითადი მთავარი მამოძრავებელი ძალა არის, რომ როგორმე დესტრუქცია, არეულობა, დაძაბულობა, დაპირისპირება და ა.შ. მოაწყონ. თუმცა ცხადია, ეს მათ არ გამოუვათ, რაც არ უნდა ეცადონ.
