მოგზაურობაზე დაწესებული შეზღუდვები უსასრულოდ ვერ გაგრძელდება,- ამის შესახებ WHO-ს საგანგებო სიტუაციების პროგრამების აღმასრულებელმა დირექტორმა, მაიკ რაიანმა განაცხადა. ინფორმაციას financialexpress-ი ავრცელებს.
„ჯანდაცვის მსოფლიო ორგანიზაციის რეკომენდაცია ყოველთვის იყო, რომ მოგზაურობაზე დაწესებული შეზღუდვები სხვა ზომებთან ერთად იყოს გამოყენებული. ამავე დროს, კონკრეტული ქვეყნებისთვის საზღვრების ჩაკეტილ მდგომარეობაში დატოვება შეუძლებელი იქნება. ეკონომიკები უნდა გაიხსნას, ხალხმა უნდა იმუშაოს, ვაჭრობა განახლდეს“, – აღნიშნა ჯანდაცვის მსოფლიო ორგანიზაციის წარმომადგენელმა.
