„ომიკრონი“ ვარიანტის დასაძლევად მთავრობებმა კორონავირუსზე რეაგირების ეროვნული მექანიზმები უნდა გადააფასონ და ვაქცინაციის კამპანია დააჩქარონ,- ამის შესახებ ჯანმოს ხელმძღვანელმა, ტედროს ადჰანომ გებრეიესუსმა განაცხადა. ინფორმაციას Reuters-ი ავრცელებს.
მისი თქმით, ჯერ ნაადრევია იმის თქმა, რამდენად კარგ დაცვას უზრუნველყოფენ არსებული ვაქცინები კორონავირუსის ახალი ვარიანტისგან.
„ყველა ქვეყანას მოვუწოდებთ, გაზარდონ კონტროლი, ტესტირება და სეკვენირება. ნებისმიერი თვითკმაყოფილება ახლა სიცოცხლის ფასად დაგვიჯდება“, – აღნიშნა ჯანდაცვის მსოფლიო ორგანიზაციის გენერალურმა დირექტორმა.
