„ნაციონალური მოძრაობის“ პოლიტსაბჭოს წევრი ხატია დეკანოიძე 2020 წლის საპარლამენტო არჩევნებში მაჟორიტარობისთვის იბრძოლებს. ამის შესახებ დეკანოიძემ „პრაიმტაიმნიუსს“ ინფორმაცია დაუდასტურა.  თუმცა როგორც მან აღნიშნა, ამ საკითხთან დაკავშირებით, პარტიაში  საბოლოო გადაწვეტილება ჯერ არ მიღებულა.

„რომ არ მოგატყუოთ და ვიყო გულწრფელი, პარტიაში განვიხილავთ ჩემი მაჟორიტარობის საკითხს. ჯერ ბოლომდე არ ჩამოვყალიბებულვართ, მაგრამ განვიხილავთ მაჟორიტარობის კანდიდატობას. სად, ჯერჯერობით, დაკონკრეტება არ შემიძლია. ვნახოთ, როგორი იქნება საბოლოო შეთანხმება და როგორი იქნება ჩვენი საბოლოო სტრატეგია“- განაცხადა დეკანოიძემ.

ინფორმაციისთვის, იმ შემთხვევაში, თუ კორონავირუსის პანდემიამ დღის წესრიგი არ შეცვალა, საპარლამენტო არჩევნები 2020 წლის 31 ოქტომბერს გაიმართება. არჩევნების შემდეგ, პარლამენტი 30 მაჟორიტარით და 120  – პროპორციულ სიაში შესული შესული დეპუტატით დაკომპლექტდება.

ავტორი: ეკატერინე ზარნაძე