„2002 წლიდან ევროპის ბევრი ქალაქი სექტემბერში აღნიშნავს მობილობის კვირეულს. ჩვენც გვინდა შევუერთდეთ ამ კვირეულს და დედაქალაქში კვირის ბოლოს ველოსიპედებით გასეირნებას მოვაწყოთ“ – ამის შესახებ თბილისს მერმა კახა კალაძემ დღეს ქალაქის მთავრობის სხდომის დაწყებამდე განაცხადა.
„რა თქმა უნდა ვისაც სურვილი აქვს შეუძლია ჩაერთოს ღონისძიებაში. ზუსტ დროს და ადგილს მოგვიანებით მოგახსენებთ“, – აღნიშნა კალაძემ.
მისივე თქმით, ნელ-ნელა საზოგადოებამ უნდა გააცნობიეროს თუ რამდენად მნიშვნელოვანია ფეხით და ველოსიპედით სიარული.
„ასევე რამდენად მნიშვნელოვანია ეკოტრანსპორტი. ის რაც ხდება დღეს თბილისში 650-მდე ათასი კერძო ავტომობილი გადაადგილდება და ეს რიცხვი ყოველდღიურად იზრდება, რაც პრობლემას წარმოადგენს ქალაქის რელიეფისა და ქუჩებიდან გამომდინარე“, – განაცხადა კახა კალაძემ.
