ოპოზიციას რაღაც ცერემონია ჰქონდა დაგეგმილი, რაღაც დოკუმენტზე უნდა მოეწერათ ხელი. მე ამაში არ ვმონაწილეობ,- ამის შესახებ ზურაბ ჯაფარიძემ განაცხადა.
„ოპოზიციას რაღაც ცერემონია ჰქონდა დაგეგმილი, რაღაც დოკუმენტზე უნდა მოეწერათ ხელი. მე ამაში არ ვმონაწილეობ, იმიტომ რომ ბევრჯერ მაქვს ასეთ დოკუმენტებზე ხელი მოწერილი. არ მგონია ბოიკოტს ჩემგან რამე მტკიცებულება სჭირდებოდეს დამატებით“, – განაცხადა ჯაფარიძემ.
მისივე თქმით, „გირჩის“ წევრები ბოიკოტის რეჟიმში არიან ოპოზიციასთან და შესაბამისად აქვს მოლოდინი რომ სიას ჩახსნიან.
„ფორმალურად „გირჩი“ გავიყავით, პარტიის თავმჯდომარე იაგო ხვიჩიაა, მე რამდენადაც ვიცი ისინი ბოიკოტის რეჟიმში არიან ოპოზიციასთან და შესაბამისად მაქვს მოლოდინი რომ სიას ჩახსნიან. მე ინდივიდუალურ განცხადებას დავწერ მაშინვე, როცა პროცედურულად ამის დრო იქნება. თუ ჩაინიშნება შემდეგი რაუნდი და რამე შეთანხმება შედგება მაშინ არის შანსი პარლამენტში შესვლის, თუმცა ალბათობა ძალიან დაბალია“, – განაცხადა ჯაფარიძემ.
