პარტია „მოქალაქეების“ ერთ-ერთი ლიდერის, ალეკო ელისაშვილის განცხადებით, “ნაციონალური მოძრაობის” ერთ-ერთი ლიდერის, ნიკა მელიას მიმართ წაყენებული ბრალი აბსურდულია, ამის შესახებ ელისაშვილმა „რუსთავი 2“-ის ეთერში განაცხადა.
„თუ ვინმე დააშავებს, ამის წინაშე ყველა თანასწორი უნდა იყოს, ამის მომხრე ვარ და ასეთ ქვეყანაში მინდა ვიცხოვრო, მაგრამ ნიკა მელიას მიმართ წარდგენილი ბრალი აბსურდულია, ამას დიდი კამათი არ სჭირდება. არ მინდა ისეთ ქვეყანაში ვიცხოვრო, სადაც პოლიტიკურ ლიდერებსა და პარტიის თავმჯდომარეებს აბსურდული ბრალით, სახელმწიფო გადატრიალებისა და რევოლუციის ბრალით დაატარებენ პროკურატურაში. ნიკა მელია წარმართავდა შტურმს და ნიკა მელია ცდილობდა პარლამენტის გადატრიალებას? ჩემი ღრმა რწმენით არა!“, – აცხადებს ალეკო ელისაშვილი
შეგახსენებთ, ნიკა მელია აღკვეთის ღონისძიების სახით შეფარდებული გირაოს პირობების შეუსრულებლობის შედეგების შესახებ გაფრთხილების მიზნით, საქართველოს გენერალურ პროკურატურაში დაიბარეს.
