მგონი ეს სხვადასხვა პოლიტიკოსები ეძებენ გზას, გამოვიდნენ პოლიტიკური კრიზისიდან,- ამის შესახებ „გირჩის“ წევრმა, სანდრო რაქვიაშვილმა განაცხადა.
რაქვიაშვილმა კომენტარი გააკეთა „ლელო საქართველოსთვის“ ლიდერ მამუკა ხაზარაძის განცხადებაზე, რომ რეალისტურად მიაჩნიათ, სრულად პროპორციული არჩევნები ბუნებრივი ბარიერით 2022 წლის გაზაფხულზე ჩატარდეს.
„რაც შეეხება ადგილობრივი არჩევნების გადაწევას, ვერ ვხედავ ამის აზრს, არ გამოვა, ტექნიკურად რთულია და მიზეზებია გაურკვეველი. ერთია მნიშვნელოვანი, მგონი ეს სხვადასხვა პოლიტიკოსები ეძებენ გზას, გამოვიდნენ პოლიტიკური კრიზისიდან. თავისთავად, ეს მისასალმებელია. რამდენად რეალისტურია ესა თუ ის გეგმა. გასაგებია, რომ მამუკა ხაზარაძის გეგმა ნაკლებად რეალისტურია, ვიდრე ჩვენი, უბრალოდ ჩვენ ნაკლებს ვთხოვთ „ქართულ ოცნებას“, მაგრამ ნებისმიერ შემთხვევაში, ამაზე საუბარი სასარგებლოა და თუ ოპოზიცია დაიწყებს დისკუსიებს, როგორ გამოვიდეთ კრიზისიდან, როგორ ჩამოაყალიბებს პოზიციას, გაიზრდება შანსი, რომ „ქართულ ოცნებასთანაც“ ვიპოვოთ კომპრომისი“, – განაცხადა სანდრო რაქვიაშვილმა.
