“როგორ შეიძლება სერიოზულად ვილაპარაკოთ, რომ ასეთი ტიპის კვლევიდან დასკვნების გაკეთება შეგვიძლია“,- ამის შესახებ “გირჩის“ ლიდერმა, იაგო ხვიჩიამ NDI-ის მიერ გამოქვეყნებულ კვლევასთან დაკავშირებით განაცხადა.
მისი თქმით, პოლიტიკური აზრის და განწყობის გასარკვევად არაა ეს კვლევა.
“70% უარს ამბობს გამოკითხვაში მონაწილეობაზე. 18 % ამბობს, რომ “ქართული ოცნების” მომხრეა, 6% “ნაციონალური მოძრაობის”, ანუ როგორ შეიძლება სერიოზულად ვილაპარაკოთ, რომ ასეთი ტიპის კვლევიდან დასკვნების გაკეთება შეგვიძლია, როცა ასეთი მოცემულობა გვაქვს, პოლიტიკური აზრის და განწყობის გასარკვევად არაა ეს კვლევა, სხვა რამე შეიძლება უფრო დავინახოთ ამ კვლევიდან ვიდრე პოლიტიკური ნაწილი,”- განაცხადა იაგო ხვიჩიამ.
ცნობისთვის, ამერიკის ეროვნულ-დემოკრატიული ინსტიტუტის (NDI) კვლევა გამოაქვეყნა, რომლის მიხედვითაც კითხვაზე, რომელი პარტია დგას თქვენს შეხედულებებთან ყველაზე ახლოს, 51-მა პროცენტმა განაცხადა, რომ არც ერთი პარტია. გამოკითხულთა 30-მა პროცენტმა კონკრეტული პარტია დაასახელა, 19-მა პროცენტმა კი აღნიშნა, რომ არ იცის ან უარი განაცხადა პასუხზე.
მის შეხედულებებთან ყველაზე ახლოს მდგომ პარტიად „ქართული ოცნება“ დაასახელა გამოკითხულთა 18-მა პროცენტმა, „ერთიანი ნაციონალური მოძრაობა“ – ექვსმა პროცენტმა, ასევე ექვსმა პროცენტმა დაასახელა სხვა პარტიები. 10-მა პროცენტმა განაცხადა, რომ არ იცის. პასუხზე უარი განაცხადა ცხრა პროცენტმა.
