მიღწეულია შეთანხმება, რომ ყველა პოლიტიკურ პარტიას ცესკო-ში, ასევე საოლქო დონეზე არა წარმომადგენელი, არამედ სრულფასოვანი წევრი ეყოლება, – ამის შესახებ პარტია „მოქალაქეების” წევრმა, ვიცე სპიკერმა ლევან იოსელიანმა განაცხადა.
„ვცდილობთ, რომ პროფესიული ნაწილის არჩევა დავაზღვიოთ ამ პროცესში არასამთავროების ჩართულობით. პოლიტიკური პარტიების მოთხოვნა იყო, რომ მათ წარმომადგენლობა კი არ ჰყოლოდათ სათათბირო ხმის უფლებით, არამედ სრულფასოვანი წევრები. ეს არის მიღწეული და ყველა პოლიტიკურ პარტიას ეყოლება სრულფასოვანი წევრი როგორც ცესკო-ში, ასევე საოლქოს დონეზე. რაც შეეხება საუბნოს, ეს კომპონენტი დარჩენილია ღიად, რომელზეც არასამთავროებს აქვთ საკუთარი პოზიცია და ამ საკითხზე ვიმსჯელებთ. დღეს მოქმედი სისტემით, მხოლოდ სამ პარტიას ჰყავდა ცესკოში წევრები. მომავალში ერთპროცენტიან პარტიასაც და 40 პროცენტიან პარტიასაც, ვინც საარჩევნო ბარიერს გადალახავს საკუთარი წევრები ეყოლება”- განაცხადა იოსელიანმა.
