19 წლის ძმის მკვლელობაში ბრალდებული გიორგი ახლოურისთვის აღკვეთის ღონისძიების შეფარდებაზე თბილისის საქალაქო სასამართლო დღეს იმსჯელებს.

პროცესი სრულად დისტანციური ფორმატით გაიმართება.

როგორც „პრაიმტაიმთან“ საუბრისას ბრალდებულის ადვოკატი, თამარ გაჩეჩილაძე აცხადებს, სხდომაზე გირაოს გამოყენების თაობაზე შუამდგომლობას დააყენებენ.

„ბრალდების მხარემ სასამართლოს მიმართა პატიმრობის მოთხოვნის შუამდგომლობით. ამას, რა თქმა უნდა, დაცვის მხარე არ დაეთანხმება. ჩვენის მხრივ დავაყენებთ შუამდგომლობას გირაოს გამოყენების თაობაზე და შევეცდებით, დავასაბუთებთ გირაოს გამოყენების მიზანშეწონილობა,“ – თამარ გაჩეჩილაძემ.

შეგახსენებთ, რომ შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1999 წელს დაბადებული გიორგი ახლოური ოჯახის წევრის მიმართ ჩადენილი განზრახ მკვლელობის ბრალდებით დააკავეს.

განზრახ მკვლელობის ფაქტზე გამოძიება საქართველოს სსკ-ის 11 პრიმა-108-ე მუხლით მიმდინარეობს. აღნიშნული დანაშაული 7-დან 15 წლამდე ვადით თავისუფლების აღკვეთას ითვალისწინებს.