ავსტრალიის მოქალაქის შანაი ბრუკის მკვლელობის საქმეზე ბრალდებულის რაფაელ მურსაკულოვის ადვოკატი ამბობს, რომ შანაის გარდაცვალების დღეს მურსაკულოვი სახლში იმყოფებოდა.
მისივე თმქით, , „განჩინებაში ბევრი ისეთი მტკიცებულებაა, რომელიც კონკრეტულად ამ საქმეს არანაირად არ ამყარებს“.
„განჩინებაში ბევრი მტკიცებულება არის ჩამოწერილი ისეთი, რომელიც კონკრეტულად ამ საქმეს არანაირად არ ამყარებს. ბრალშიც ისეთი მოწმეები არის ჩამოთვლილი, რომ მომსმენი არავინ არის. როგორც ხდება ხოლმე ტრაფარეტულად ამ მოწმის სახით, იმ მოწმის ჩვენებაზე დაყრდნობით, მაგრამ შინაარსობრივად ამ საქმეზე კონკრეტულად ვერავინ ვერაფერს ვერ ამბობს.
გარდაცვლილთან, იმ ტერიტორიაზე მას არანაირი შეხება არ ჰქონია. ის სახლში იმყოფებოდა მთელი დღის განმავლობაში, ისეთ ადგილას არ ყოფილა, რომ თუნდაც გამოძიებამ ვერ დაადგინოს სად იმყოფებოდა“, – აცხადებს ადვოკატი.
შეგახსენებთ, შანაე ბრუკ ედვარდსი თბილისში, 31 ივლისს მოკლული იპოვეს. შსს-მ განზრახ მკვლელობის ფაქტზე ერთი პირი დააკავა.
დაკავებულს ბრალი უკვე წარედგინა. მას 16 წლით ან უვადოდ თავისუფლების აღკვეთა ემუქრება.
