23 წლის პროგრამისტის თამარ ბაჩალიაშვილის ოჯახის ადვოკატის თქმით, 18 ივლისს თამარის გაუჩინარებამდე რამდენიმე საათით ადრე 6 ფოტო გადაიღო.
როგორც მიხეილ რამიშვილმა „მთავარი არხის“ ეთერში განაცხადა, ისეთი ფოტოებია, რომელზეც ვერავინ იტყვის, რომ თამარს თვითმკვლელობის განწყობა ჰქონდა.
„18 ივლისის სელფი აქვს გადაღებული დილის 10 საათსა და 3 წუთზე. 6 სურათი აქვს ბავშვს გადაღებული.
იცით როგორი განწყობის სურათებია? ვერავინ ვერ იტყვის, რომ მას აქვს თვითმკვლელობის განწყობა. ადამიანი, რომელიც საკუთარ სილამაზეს და საკუთარ თავს ეპრანჭება, სხვადასხვა იერსახით გადაღებული.
საერთოდ როდესაც კომპიუტერი სუფთავდება, არ შეიძლება ნაწილობრივ დატოვო ისეთი რამ, რაც აბსოლუტურად შეუსაბამოა. ამიტომ ვამბობ, რომ ის არ არის თამუნას მიერ წაშლილი. თამუნა თუ წაშლიდა, ისეთ მდგომარეობაში დატოვებდა, როგორიც უნდა ჩაებარებინა [კომპანია ზეგ-ისთვის]. არ უნდა დატოვებულიყო სისტემური ჩანაწერები და თავისი ფოტოები ბიძაშვილის ფოტოები. ანუ ნაწილობრივ არის ის, რაც ვიღაცას არ აწყობდა რომ დარჩენილიყო“, – განაცხადა მიხეილ რამიშვილმა.
