თბილისის ვიცე-მერის ირაკლი ხმალაძის განცხადებით, ახალ ავტობუსებსა და მიკროავტობუსებში გადახდის სისტემა უნაღდო ანგარიშწორებით იქნება.
მისივე თქმით, ახალი მიკროავტობუსების მძღოლების ანაზღაურება ფიქსირებული იქნება
„ეს არის დერეფანი, სადაც იმოძრავებს 12- მეტრიანი და მომავალი წლიდან 18- მეტრიანი ავტობუსები. საქალაქო მნიშვნელობის მარშრტუტებზე მოძრაობს 8 და 10 მეტრიანი ავტობუსები, ხოლო საუბნო მარშუტებში მოძრაობს 6 მეტრიანი ე.წ. მიკროავტობუსები, რომელიც უკვე შემოვიყვანეთ და 300 ერთეული თვის ბოლოდან დაიწყებს მოძრაობას. ამით შეიცვლება მოცდის დრო და 7-წუთამდე დავა. და 2.5. ჯერ გაიზარდა მგზავრების ტევადობა. ამასთან, მინდა განვმარტო, რომ ამ სიახლით არ მოხდება ჩანაცვლება უკვე არსებული მარშრუტების, არსებულ ქსელს ემატება დამატებითი მარშრუტები. ახალ ავტობუსებსა და მიკროავტობუსებში გადახდის სისტემა იქნება უნაღდო ანგარიშწორებით და ახალი მიკროავტობუსების მძღოლების ანაზღაურება ფიქსირებული იქნება, რითიც მოხდება მარშრუტზე მოძრაობის გრაფიკიდან გადაცდომისა და მგზავრის ფეხზე დადგომის პრევენცია”, – განაცხადა ირაკლი ხმალაძემ.
