ჯანმო-ს მიერ აღიარებული, ვაქცინების ერთ-ერთი ყველაზე დიდი მწარმოებელი ინდოეთია, საიდანაც ახლა ყველაზე მეტი შანსია ვაქცინების მიღების, – ამის შესახებ დაავადებათა კონტროლის ეროვნულ ცენტრის ხელმძღვანელის მოადგილემ, პაატა იმნაძემ განაცხადა.
„ასევე მიდის გარკვეული მოლაპარაკებები ჩინურ მხარესთანაც და დასავლელ პარტნიორებთან. იყო ასეთი დაპირება მაგრამ სამწუხაროდ თვითონ ევროპის ქვეყნები ვერ იღებენ საკმარისი რაოდენობის ვაქვინებს, რომ ჩვენც გვიწილადონ.
ამჟამად ჩვენ ორი კომპანიისაგან ველოდებით მოწოდებას. რომელი რომელს დაასწრებს, ვერ გეტყვით. ჩვენ ორივეს მისაღებად მზად ვართ. სხვადასხვა ტემპერატურული რეჟიმი სჭირდება მათ, მაგრამ ორივეს მისაღებად და ვაქცინაციის სასწრაფოდ დასაწყებად ქვეყანა დიდი ხანია მზად არის.
მოლაპარაკებები ახალზეც დაწყებულია უკვე, ეს არის „ნოვავაქსი“. იქ რამდენიმე ტიპის ვაქცინაა – ეს არის RNM ვაქცინა, ე.წ. ვექტორული ვაქცინა, არის ასევე ე.წ. ინაქტივირებული, უფრო ტრადიციული ვაქცინები. ჩვენ ყველა ამ ვაქცინის მისაღებად მზად ვართ, მთავარია, მოხერხდეს ამ ვაქცინების მიღება ქვეყანაში.
ქვეყანამ შეასრულა ყველა ის მოთხოვნა, რაც იყო „კოვაქსის“ პლატფორმიდან, მწარმოებლის მხრიდან, მათ შორის კანონმდებლობაში შევიდა გარკვეული ცვლილებები, რაც ვაქცინის მწარმოებლების ერთ-ერთი პირობა იყო. ეს ყველაფერი განხორციელდა იანვარის თვეში. ქვეყანამ წარადგინა გეგმა, ქვეყანამ წარადგინა ყველა დოკუმენტაცია მზადყოფნის შესახებ, რაც კი იყო საჭირო და ახლა ერთადერთი არის იმედი იმაზე, რომ რამენაირად დროულად შეასრულებენ თავის პირობას ის ორგანიზაციები, რომლებმაც უნდა მოგვაწოდონ ვაქცინა“, – განაცხადა პაატა იმნაძემ.
