როგორ უნდა მოემზადონ მშობლები, რომელთა შვილებიც საბავშვო ბაღის აღსაზრდელები არიან – რა უნდა ამოალაგოთ პატარების ჩანთებიდან და რომელი ნივთებით უნდა ჩაანაცვლოთ. რას ნიშნავს ინდივიდუალური ყუთი, რომელიც თქვენს პატარას საბავშვო ბაღში უნდა ჰქონდეს?

იმისთვის, რომ ვირუსის გავრცელების პრევენციის მიზნით, პატარებმა სადეზინფექციო ხსნარები გამოიყენონ, აუცილებელია საბავშვო ბაღის ადმინისტრაციას თითოეულ ბავშვზე ინფორმაცია უნდა ჰქონდეს, აქვს თუ არა ალერგია ალკოჰოლზე ან რომელიმე ისეთ ნივთიერებაზე, რომელიც შედის სადეზინფექციო სითხის შემადგენლობაში.

პატარებისთვის რეკომენდირებულია 70%-იანი სადეზინფექციო საშუალებების გამოყენება.

აკრძალული ნივთები, რომლებიც საბავშვო ბაღის ტერიტორიაზე არ დაიშვება:

1. სახლიდან წაღებული სათამაშოები,

2. მრავალჯერადი პირსახოცები.

საჭირო ნივთები, რომლებიც საბავშვო ბაღში დაიშვება:

1. ერთჯერადი ხელსახოცები,

2. ბავშვისთვის 70%-იანი სადეზინფექციო საშუალებები,

3. ინდივიდუალური ყუთი, სადაც მოთავსებული იქნება ბავშვისთვის ფანქრები, მაკრატლები და სხვა ინვენტარი.

ცნობისთვის, 12 ოქტომბერს, აჭარის გარდა, მთელ ქვეყანაში საბავშვო ბაღები სასწავლო პროცესს განაახლებენ.​