„ევროპული საქართველოს“ წევრი, გიგი წერეთელი პარტია „მოქალაქეების“ ლიდერს, ალეკო ელისაშვილს განცხადებას ეხმაურება, რომელიც ელისაშვილი აცხადებს, რომ პარლამენტში მისი პარტია სულ რომ მარტო შევიდეს, შევა, რადგან „მართლა დაგვემხო ქვეყანა თავზე – გაბუტვისა და ზურგით დგომის დრო აღარ არის“.
მისი თქმით, პარლამენტში შესვლა ალისაშვილის არჩევანია.
„ელისაშვილს აქვს თავისი მოსაზრება. ის ხედავს გადაწყვეტის თავის გზას, ეს არის მისი არჩევანი და ის არ მოიაზრება დიდ ოპოზიციურ ერთობაში. შესაბამისად ის გადადგამს ალბათ იმ ნაბიჯებს, რაც მას მიაჩნია სწორად. თუმცა რამდენად სწორია ის საერთო პროცესისთვის, იმისთვის, რომ ქვეყანაში დასრულდეს მანიპულირებული არჩევნები, ამას დრო გვანახებს“, – განაცხადა წერეთელმა.
დღეს „მოქალაქეებსა“ და „გირჩს“ შორის კონსულტაციები გაიმართება.
