ბოლო ერთ თვეში საქართველოში კორონავირუსი 400-ზე მეტ ტურისტს დაუდასტურდა. ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
მისივე თქმით, გაზრდილი მობილობა ვირუსის შემთხვევების ზრდის კუთხით ერთ-ერთი რისკფაქტორია.
„დღეს საკოორდინაციო საბჭოს მივაწოდე ინფორმაცია, რომ ტურისტებში ბოლო ერთ თვეში ვირუსის 400-ზე მეტი შემთხვევა გვაქვს დადასტურებული. ასევე ვაუწყე მათი იზოლირების შესახებ. ანუ გაზრდილი მობილობა რა თქმა უნდა, ერთ-ერთი რისკფაქტორია შემთხვევების ზრდის. 400 ტურისტიდან ზოგს ადგილზე, ზოგს შემოსვლის შემდეგ დაუფიქსირდა ვირუსი. შტამებზე ვერ გეტყვით“, – განაცხადა ამირან გამყრელიძემ.
ცნობისთვის, დღეს ქვეყანაში კორონავირუსის 1194 ახალი შემთხვევა დადასტურდა.
