დაავადებათა კონტროლის ეროვნული ცენტრის ხელმძრვანელი, ამირან გამყრელიძე ჩინეთის დაავადებათა კონტროლის ცენტრის დირექტორის განცხადებას ეხმაურება.
„განცხადება, რომელიც გუშინ გაკეთდა ეხებოდა არა „სინოფარმს“, არამედ მეორე ჩინურ ვაქცინას „სინოვაკს“, რომელიც ფართოდ გამოიყენება ჩინეთში. ასევე თურქეთში და აზერბაიჯანშიც. „სინოვაკს“ ასევე იყენებს ბალკანეთის ქვეყნები, ბრაზილია და ჩინეთი.
ჩინეთის CDC-ის დირექტორმა აღნიშნა, რომ დღევანდელი ვაქცინები გამოიყენებიან ყველა გადაუდებელი მდგომარეობების გამო, ანუ პანდემიაა, გადაუდებელი მდგომარეობაა ქვეყანაში. მათი დაცვის ეფექტურობა არის სხვადასხვა. როდესაც ჯანმო აძლევს გადაუდებელი მოხმარების ნებართვას, მას აქვს 50%-ანი ზღვარი დადებული.
თუ ვაქცინას აქვს 50%-ზე მეტი ეფექტურობა, მაშინ მისი დაშვება ბაზარზე შესაძლებელია, იმიტომ რომ ის იცავს ყოველ მეორე ადმიანს გართულებებისგან. ყველა ვაქცინა, რომელიც გამოიყენება მსოფლიო ბაზარზე, მათ აქვთ ძალიან მაღალი დაცვის ეფექტი, განსაკუთრებით კოვიდისგან გამოწვეულ სიკვდილიანობაზე. ისინი თითქმის 100%-მდე ამცირებენ სიკვდილიანობას კოვიდის დროს.
სხვადასხვა ჩინური კვლევების მიხედვით, ამ ორ ვაქცინას აქვს ეფექტიანობა და მათი ეფექტიანობა მერყეობს 60%-დან 89%-მდე. „სინოფარმის“ ეფექტურობა, რომელიც დღეს საქართველოშია, მისი ეფექტურობა მერყეობს 79-დან 86%-ის ფარგლებში.
