დაავადებათა კონტროლის ეროვნული ცენტრის ხელძღვანელი, ამირან გამყრელიძე მოსახლეობას მოუწოდებს, ახალი წელი მოკრძალებულად აღნიშნონ.

როგორც გამყრელიძე ამბობს, თუ ისევ გაიმართება წვეულებები და დიდი თავშეყრები, შეიძლება ყველაფერი 2-3 დღეში წყალში ჩაიყაროს.

„გთხოვთ ყველას, რომ ეს შობა-ახალი წელი გადავიტანოთ განსხვავებულად. გავიაროთ განსხვავებულად, არ გვინდა დიდი თავშეყრები, ხალხმრავალი წვეულებები და ა.შ. ვიყოთ წელს ბევრად მოკრძალებული. საქმე გვაქვს სერიოზულ გამოწვევასთან. ხაზს ვუსვამ, არის სტაბილიზაცია, მაგრამ ეს ყველაფერი ჩვენ შეგვიძლია 2-3 დღეში ჩავყაროთ წყალში. თუ 24-დან მოიხსნა შეზღუდვა და მოხდა იგივე, რაც შავ პარასკევს იყო, შეიძლება ამან ახალ წელს ისევ მოგვცეს შემდგომი პიკები და ისევ დამძიმდეს მდგომარეობა საავადმყოფოებში“,- განაცხადა ამირან გამყრელიძემ.

დღეს ქვეყანაში კორონავირუსის 3487 ახალი შემთხვევა დაფიქსირდა, გამოჯანრმთელდა 2495, ხოლო გარდაიცვალა 39 ადამიანი.