დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ვაქცინაქციის მაჩვენებელი იმაზე დაბალია, ვიდრე ელოდა.
„რასაც ველოდი იმაზე დაბალია. წლის ბოლომდე, გეგმის მიხედვით გვინდა, რომ მოზრდილი მოსახლეობის სამოცი პროცენტი აიცრას. ახლა დაბალია. საჭიროა მისი აქტვიზაცია,“ – ამბობს გამყრელიძე.
ცნობისთვის, 15 მარტს საქართველოში კორონავირუსის წინააღმდეგ ვაქცინაცია დაიწყო. პირველი საჯაროდ დაავადებათა კონტროლის ეროვნული ცენტრის დირექტორის მოადგილე, პაატა იმნაძე აიცრა.
ამასთან, შეგახსენებთ, რომ საქართველოში კორონავირუსის საწინააღმდეგო ვაქცინის (ასტრაზენეკა) 43 ათასი დოზა 13 მარტს შემოიტანეს.
