იუსტიციის უმაღლესი საბჭოს არამოსამართლე წევრი ნაზი ჯანეზაშვილი აცხადებს, რომ ანა დოლიძის ბრალდებები ფსკერია.
„პოლიტიკური პლატფორმის შექმნიდან მე-3 დღეს ანა დოლიძე სისხლის სამართლის დანაშაულის ჩადენაში მდებს ბრალს. ფსკერზე ფსკერია! საინტერესოა თვითონ მოიფიქრა თუ მისმა პოლიტიკურმა თანამოაზრეებმა ურჩიეს ეს `სიბრძნე”?“- აცხადებს ჯანეზაშვილი.
დღეს იუსტიციის საბჭოს არამოსამართლე წევრმა და ახალი პოლიტიკური პლათფორმის წევრმა ანა დოლიძემ განაცხადა, რომ ნაზი ჯანეზაშვილი დანაშაულს მალავდა.
„ნაზი ჯანეზაშვილი თურმე თვითონ ფარავდა დანაშაულს?! თუ თამარ ჩუგოშვილი მასთან 1 წელია ტელეფონზე მოლაპარაკებებს აწარმოებს, რაც ჩემთვის, როგორც თანამებრძოლისთვის არ უთქვამს და ის ამას ფარავდა, როგორც იუსტიციის უმაღლესი საბჭოს წევრი, რა გამოდის?! თვითონ აღიარებს, რომ მონაწილეობდა დანაშაულის დამალვაში, სხვა არაფერი გამოდის. ეს ასე რატომ ხდება, იმიტომ, რომ დღეს არის ინტერესი ყველას, ვისაც მცირე შესაძლებლობა აქვს იმ მხრივ, რომ არ უსმინოს „ნაც-ქოცურ“ ალიანსს, სასწრაფოდ უნდა დაზიანდეს”, – განაცხადა დოლიძემ.
