ოპოზიცია პროტესტის ფორმას ცვლის. „ნაციონალური მოძრაობის“ წევრი რომან გოცირიძე „პრაიმტაიმნიუსთან“ საუბრისას ამბობს, რომ აქციები გაგრძელდება, თუმცა დროებით არ მოხდება სახელმწიფო ორგანოების პიკეტირება.
მისივე თქმით, ოპოზიცია არ აპირებს ხელისუფლებას რაიმე საბაბი მისცეს და დაელოდება ბრიუსელში შეხვედრას.
„აქციები გაგრძელდება, მაგრამ მას არ ექნება პიკეტის ფორმა და იქნება ისეთი ფორმის, როდესაც ამ სახელმწიფო დაწესებულებების დაცვა არ გახდება საჭირო. მაგრამ ეს დაცვა და პოლიციელების ჩაყენება აბსოლუტურად უაზრობაა და ხელისუფლების მოგონილია ვინაიდან არავინ არსად შეჭრას არ აპირებს.
ღარიბაშვილი გამოვიდა და უკან დახევის საბაბების ძიება დაიწყო, ჯერ თქვეს, რომ 6-ვე პუნქტს ვეთანხმებითო და შემდეგ განაცხადეს, რომ 6-ვეს არ ეთანხმებოდნენ და რიგგარეშე არჩევნებზე არ გვექნება საუბარიო.
ისევ შეცვალეს ფირტიფა და ამიტომ საბაბი, რომ არ მივცეთ მივიღეთ ესეთი გადაწყვეტილება დროებით.
ველოდებით, რომ ბრიუსელში წასვლისას მათ არ მივცეთ მეტი სალაპარაკო. აქციების გამართვის მომდევნო თარიღებს გამოვაცხადებთ უახლოეს მომავალში.
ბრიუსელში წასვლამდე აქციები იქნება, მაგრამ იქნება სხვადასხვა ფორმის, თუნდაც იგივე აქცია არ არის პარლამენტთან კარვების ქალაქია გაშლილი. მანამდე კი ხელისუფლებისგან ველოდებით შემდგომ ნაბიჯებს“, – ამბობს რომან გოცირიძე.
