„საქართველოს ჯანდაცვის სისტემა და სექტორი უმკლავდება დღიურად დაახლოებით 2000 ახალ შემთხვევას. ამიტომ მე ვფიქრობ, რომ ჩვენ არ მივალთ იმ სტადიამდე, როდესაც გეგმა B-ს ამუშავება იქნება საჭირო“ – ასე პასუხობს დაავდებათა კონტროლის ცენტრის ხელმძღვანელი ამირან გამყრელიძე, კითხვას, ინფიცირების რა რაოდენობის შემთხვევაში გაუჭირდება საქართველოს ჯანდაცვის სისტემას ეპიდემიის მართვა და რა იქნება გეგმა B ამ მოცულობის დროს.
ამასთან, გამყრელიძემ დასძინა, რომ ამოუწურავი რესურსი არ არსებობს, მათ შორის ჯანდაცის სექტორშიც.
„ჩვენ არ უნდა მივიდეთ იმ დონემდე, როდესაც ჯანდაცვის სისტემას გაუჭირდება ინფიცირებულთა მართვა. სამედიცინო საზოგადოების და ჯანდაცვის სისტემის უპირველესი მოვალეობაა, რომ ყველა გამოწვევას შესაბამისად შეხვდეს. მაგრამ როგორც მოგეხსენებათ ამოუწურავი რესურსები არ არსებობს და მათ შორის, ჯანდაცვის სექტორშიც.
ამიტომ თუ რა გახლავთ ასეთი ეს რიცხვებში არ გამოიხატება, რა თქმა უნდა ჩვენ რიცხვებში პროგნოზირების რამოდენიმე სცენარი გვაქვს და ჯერჯერობით ხედავთ, რომ საქართველოს ჯანდაცვის სისტემა და სექტორი უმკლავდება დღიურად დაახლოებით 2000 ახალ შემთხვევას. ამიტომ მე ვფიქრობ, რომ ჩვენ არ მივალთ იმ სტადიამდე, როდესაც გეგმა B-ს ამუშავება იქნება საჭირო. ჯანდაცვის სექტორმა უნდა გაუძლოს, ეს არის ჩვენი მოვალეობა“, – განაცხადა ამირან გამყრელიძე.
