„არ ვფიქრობ, რომ ეს ჩიხური მდგომარეობაა, ჩემი აზრით რესურსი მოლაპარაკებებისთვის არის“ – ამის შესახებ „ქართული ოცნების“ მაჟორიტარმა დეპუტატმა დავით სერგეენკომ მეხუთე რაუნდთან დაკავშირებით განაცხადა.
მისივე თქმით, მეხუთე რაუნდზე გამოჩნდება კონკრეტული შეთავაზებები.
„მდგომარეობა მარტივი ნამდვილად არ არის, თუმცა, არ ვფიქრობ, რომ ეს ჩიხური მდგომარეობაა, ჩემი აზრით რესურსი მოლაპარაკებებისთვის არის. ამ შეთავაზების წინასწარ გაჟღერება არ მგონია სწორი იყოს, მეხუთე რაუნდზე გამოჩნდება შეთავაზებები.
ისევე, როგორც მოლაპარაკებების, ისე ამ რაუნდების ფილოსოფიაც ეგ არის, რომ მოხდეს ისეთი შეთავაზებების შეჯერება, რომელზეც კომპრომისი შესაძლებელი იქნება.
მე არ ვიცი კონკრეტულად რაზე იქნება მეხუთე რაუნდზე ლაპარაკი, თუმცა, მჯერა, რომ მოლაპარაკებისთვის ადგილი ისევ რჩება“, – განაცხადა სერგეენკომ.
