მე არანაირი დისკომფორტი არ მაქვს ვინმე თუ მითვალთვალებს, – განაცხადა პარტია „საქართველოსთვის“ თავმჯდომარე გიორგი გახარიამ და უპასუხა სუს-ის მიერ ადევნების, თვალთვალის და მოსახლეობის დაშინების მცდელობების შესახებ ჟურნალისტების მიერ დასმულ კითხვებს.
„მე არანაირ ბრალდებებს არ ვაყენებ და მე არანაირი დისკომფორტი არ მაქვს ვინმე თუ მითვალთვალებს – აბსოლუტურად თავისუფალი ვარ. აქ სამწუხარო ის არის, რომ სახელმწიფო რესურსი იხარჯება ამაში. მე ხომ ვიცი ადამიანები, რომლებიც ასეთ დავალებებს იძლევიან და ადამიანები, რომლებიც ესეთ დავალებებს იღებენ – ეს სერიოზულ უხერხულობას ქმნის.
მთავარი გამოწვევა აქ ის არის, რომ სახელმწიფო რესურსია ეს მეგობრებო – მაშინ, როდესაც სახელმწიფოს უამრავი გამოწვევა აქვს – კოვიდია, პანდემიაა, კრიმინალთან ბრძოლაა საჭირო და რესურსი იხარჯება, თორე მე მითვალთვალონ არანაირი პრობლემა არ მაქვს”, – განაცხადა გიორგი გახარიამ.
