ჯანდაცვის საკითხებში ექსპერტი ვახტანგ სურგულაძე ვარაუდობს, რომ არჩევნებამდე საქართველოში, შესაძლოა, ყოველდღიურად კორონავირუსით ინფიცირებულთა რამდენიმე ათასეული შემთხვევა დაფიქსირდეს.
როგორც მან „პრაიმტაიმნიუსთან“ საუბრისას განაცხადა, საქართველო ინფიცირებულთა რაოდენობით აზერბაიჯანს, თურქეთს, ლატვიასა და ლიტვას უსწრებს.
„ხელისუფლებამ, პრაქტიკულად, არ გაატარა არცერთი ნაბიჯი, რომელიც გადასადგმელი იყო ჯერ კიდევ ზაფხულში. აჭარაში საერთოდ დაირღვა ყველანაირი წესები. პრაქტიკულად, ჩავაგდეთ მომზადების ყველა ეტაპი. ჩვენ უკვე გადავასწარით ერთ სულ მოსახლეზე დაინფიცირებულების რაოდენობით აზერბაიჯანს, თურქეთს, ლატვიასა და ლიეტუვაში 3-ჯერ ნაკლები შემთხვევა ფიქსირდება. დღევანდელი მონაცემებით გერმანიასაც კი გადავასწარით.
საქართველოში რეგულაციების აღსრულება არის ძალიან დაბალ დონეზე, პრაქტიკულად არ ხდება. მკაცრი რეგულაციები არ გჭირდება, იმ რეგულაციების დაცვა გვჭირდება, რომელებიც არსებობს. შესაძლოა, არჩევნებამდე ყოველდღიურად რამდენიმე ათასეულ შემთხვევამდე ავიდეთ. სტუდენტების გამოშვება არ შეიძლებოდა. უნივერსიტეტი ინფექციის გადამდები ერთ-ერთი მთავარი დაწესებულებაა. გამოსავალი არის ერთადერთი, ყველამ უნდა დაიცავს რეგულაციები“,- სურგულაძე.
ინფორმაციისთვის, საქართველოში ბოლო ორი დღეა, რაც კორონავირუსით ინფიცირებულთა რაოდენობა დღიურად 1000-ს აჭარბებს. დღეს ინფიცირებულთა 1 186 ახალი შემთხვევა დაფიქსირდა.
